ಆರಿಕಲ್ಲು ದಿಗಂಬರ ಜೈನ ಬಸದಿ


Arikal Digambara Jaina Basadi of Kadeshvalya, Bantwal

ನನ್ನ ಮಿತ್ರ ಆಝಾದ್ ಖಂಡಿಗ ಬೆಳೆಯುತ್ತಾ ತನ್ನ ಕ್ರಿಯಾಶೀಲ ಚಟುವಟಿಕೆಗಳ ಮೂಲಕ ಹೆಸರು ಮಾಡುತ್ತಿರುವ ಪತ್ರಕರ್ತ. ಕನ್ನಡ ಪತ್ರಿಕೆಗಳಲ್ಲಿ ಫೇಸ್ಬುಕ್ ಅನ್ನು ಸಮರ್ಪಕವಾಗಿ ಬಳಸಿ ವರದಿ ಮಾಡುವ ಆಝಾದ್ ಮಂಗಳೂರಿನ ಅಪರೂಪದ ವ್ಯಕ್ತಿಗಳ ಮೇಲೆ ಸಣ್ಣ ಸಣ್ಣ ಡಾಕ್ಯುಮೆಂಟರಿಗಳನ್ನು ಮಾಡಿ ವರದಿ ಮಾಡುತ್ತಿದ್ದರು. ನನ್ನ ಸಮಕಾಲೀನರಾದ ಪತ್ರಕರ್ತರಲ್ಲಿ ಇವರು ಪ್ರಬುದ್ಧ ಆಲೋಚನೆ ಇರುವವರು. ಚೆನ್ನಾಗಿ ಓದುತ್ತಾರೆ, ರಂಗ ಭೂಮಿಯ ಹಿನ್ನಲೆ ಇರುವವರು. ಮೊನ್ನೆ ಕಲ್ಕತ್ತಾದ ಫಿಲ್ಮ್ ಫೆಸ್ಟಿವಲ್ ನಲ್ಲಿ ಪ್ರದರ್ಶನಗೊಂಡ ಬ್ಯಾರಿ ಭಾಷೆಯ ಚಲನಚಿತ್ರದಲ್ಲಿ ನಟಿಸಿದ್ದಾರೆ. (ಒಳ್ಳೆಯ ಕೆಲಸ ಮಾಡುವ ನಮ್ಮವರ ಬಗ್ಗೆ ನಾವು ಮಾತನಾಡಬೇಕು 😜)
ನಾನು ಮತ್ತು ಅಜಾದ್ ದಿಡೀರ್ ಎಂದು ರಾತ್ರೆ ಹಗಲು ಮಳೆ ಬಿಸಿಲು ಎನ್ನದೆ ಊರು ಸುತ್ತಲು ಹೋಗುವ ಹುಚ್ಚರು. ಕೆಲವು ದಿನಗಳ ಹಿಂದೆ "ನಿಮಗೊಂದು ಬಸದಿ ತೋರಿಸಬೇಕು...ಬನ್ನಿ.." ಅಂತ ಅವರ ಊರು "ಕಡೇಶ್ವಲ್ಯದ ಅಜಿಲ ಮೊಗರಿಗೆ" ಕರ್ಕೊಂಡು ಹೋದ್ರು. ನಮ್ಮ ಜೊತೆ ಅವಿನಾಶ್ ಕಡೇಶ್ವಲ್ಯ ಕೂಡಾ ಇದ್ದರು. ಮನೆಯಲ್ಲಿ ಕೋಳಿ, ಮೀನು ಏನೇನೋ ಗಮ್ಮತ್ತು ಮಾಡಿದ್ದರು 🥴
ಈಗ ಬಸದಿಗೆ ಬನ್ನಿ.....
ಇದು ಅಜಿಲ ಮೊಗರಿನ "ಧರ್ಮ ಚಾವಡಿಯ" ಮನೆಗೆ ಸೇರಿದ ಬಸದಿ. ನಲ್ಕಂಕಣದ "ಸುತ್ತು ಪಡ್ಪಿರೆ ಮನೆಯ" ಪಕ್ಕ ಈ ಹಳೆಯ ಬಸದಿ ಇದೆ. ಇದಕ್ಕೆ ಆರಿಕಲ್ಲು ದಿಗಂಬರ ಜೈನ ಬಸದಿ ಎಂದು ಕರೆಯುತ್ತಾರೆ. ಹೆಸರು ಹೇಳುವಂತೆ ಅಜಿಲ ಮೊಗರಿಗು ತುಳುನಾಡಿನ ಅರಸು ಮನೆತನಗಳಲ್ಲಿ ಒಂದಾದ "ವೇಣೂರಿನ ಅಜಿಲ ಅರಸ"ರಿಗೂ ಸಂಬಂಧ ಇದೆ. ಇಲ್ಲಿನ ಧರ್ಮ ಚಾವಡಿ ಮನೆಯವರು ಇವರದೇ ಸಂಬಂಧಿಕರು.
ವೇಣೂರಿನ ಅಜಿಲರು ವೇಣೂರು ಮತ್ತು ಅಳದಂಗಡಿಗಳಲ್ಲಿ ಅರಮನೆ ಕಟ್ಟಿಕೊಂಡು ಆಳಿದ ಜೈನ ರಾಜವಂಶ. ಈ ವಂಶದ ಅರಸ "ನಾಲ್ಕನೆಯ ವೀರ ತಿಮ್ಮಣ್ಣಾಜಿಲ" (ಕ್ರಿ.ಶ1550-1610) ವೇಣೂರಿನ ಗುಮ್ಮಟ ದೇವರನ್ನು ಸ್ಥಾಪಿಸಿದ. ಕಾರ್ಕಳದ "ಇಮ್ಮಡಿ ಭೈರವರಾಯ ಪಾಂಡ್ಯ" ತನ್ನ ಪ್ರತಿಷ್ಟೆಯ ಕಾರ್ಕಳದ ಗುಮ್ಮಟನ ಇನ್ನೊಂದು ಮೂರ್ತಿ ವೇಣೂರಿನಲ್ಲಿ ಪ್ರತಿಷ್ಟೆಯ ಆದಾಗ ಅದನ್ನು ತನ್ನ ಕೀರ್ತಿಗೆ ಕುಂದು ಎಂದು ಬಗೆದು ವೇಣೂರಿನ ಮೇಲೆ ಧಾಳಿ ಮಾಡಿದ್ದ. ಇವನ ಧಾಳಿಯಿಂದ ಪ್ರತಿಮೆಗೆ ಹಾನಿಯಾಗದ ಹಾಗೆ ತಡೆಯಲು ಹೊಳೆಯ ಹೊಯಿಗೆಯ ಕೆಳಗೆ ಅಡಗಿಸಿ ಇಟ್ಟಿದ್ದರಂತೆ. ಕೊನೆಗೆ ತಿಮ್ಮಣ್ಣಜಿಲನ ಸೇನೆಯ ಸೇನಾಧಿಪತಿ "ನಾರಾವಿಯ ಕಾಂತು ಸಮಾಣಿ" ಭೈರರಸನ ಸೇನೆಯನ್ನು ಹೊಡೆದೋಡಿಸಿದ.

Sanctum of the Basadi

ಇದೇ ತಿಮ್ಮಣ್ಣಾಜಿಲನಿಗೂ "ಬಂಗಾಡಿ ಅರಸ ಲಕ್ಷ್ಮಪ್ಪ" ಅರಸ ಬಂಗರಾಜನಿಗೂ ಹಣದ ವಿಷಯದಲ್ಲಿ ವಿವಾದವಾಗಿ ಯುದ್ಧದ ತನಕ ಹೋಗುತ್ತದೆ.
ತಿಮ್ಮಣ್ಣಾಜಿಲ ತನ್ನ ಸೇನೆಯನ್ನು "ಪೇರಿಂಜೆ ಗುತ್ತಿನ ದೇವ ಪೂಂಜನ" ನೇತೃತ್ವದಲ್ಲಿ ಬಂಟವಾಲಕ್ಕೆ ಕಳಿಸುತ್ತಾನೆ. ಈ ಸೈನ್ಯಕ್ಕೆ ಮತ್ತು ಬಂಗರಾಜನ ಸೇನಾಧಿಪತಿ ಮಣಿ ಗುತ್ತಿನ ದುಗ್ಗಣ್ಣ ಕೊಂಡೆಗೂ ಮಣಿ ಗ್ರಾಮದ ಚಂಡೆತ್ತಿಮಾರ್ ನಲ್ಲಿ ಯುದ್ದವಾಗಿ ದುಗ್ಗಣ್ಣಕೊಂಡೆ ಸೋಲುತ್ತಾನೆ. ಇವನ ತಲೆಯನ್ನು ಕಡಿದು ದೇವು ಪೂಂಜ ಅದನ್ನು ಪಂಜೀಕಲ್ಲಿನ ಕೋಟೆಯಲ್ಲಿ ಇದ್ದ ಅಜಿಲ ಅರಸನಿಗೆ ತಂದು ಒಪ್ಪಿಸುತ್ತಾನೆ. ಸಣ್ಣ ಪ್ರಾಯದ ದೇವು ಪೂಂಜನ ಶೌರ್ಯ ಕಂಡ ಅರಸ ಮುಂದೆ ತನಗೆ ಇವ ಅಪತ್ತು ತಂದಾನು ಎಂದು ದೂರ ಮಾಡ ತೊಡಗಿದ. ಇದರಿಂದ ಬೇಸರಗೊಂಡ ದೇವು ಪೂಂಜ ತನ್ನ ಮನೆಯವನ್ನು ಕರೆದುಕೊಂಡು ಬಂದು ಬಂಟ್ವಾಳದ ಬೆಲ್ಲೂರಿನಲ್ಲಿ ಬಂದು ನೆಲೆಸುತ್ತಾನೆ. ಮುಂದೆ ಇವನನ್ನು ಬಂಗರಾಜ ತನ್ನ ಸೇನಾಧಿಪತಿಯಾಗಿ ನೇಮಿಸುತ್ತಾನೆ.
ಬಂಟ್ವಾಳದ ಮೇಲೆ ಅಜಿಲರ ಅಧಿಪತ್ಯ ಇತ್ತು. ಇವರು ತಮ್ಮ ರಕ್ತ ಸಂಬಂಧಿಗಳನ್ನು ಈ ಊರಲ್ಲಿ ಆಡಳಿತ ಕಾರಣಕ್ಕೆ ನೇಮಿಸಿದ ಹಾಗಿದೆ. ಅರಿಕಲ್ಲು ಧರ್ಮ ಚಾವಡಿಯವರು ತಮ್ಮನ್ನು ಅಜಿಲರು ಎಂದು ಕರೆದುಕೊಳ್ಳುತ್ತಾರೆ. ಇವರಿಗೆ ಸಂಬಂಧಿಸಿದ ಬಸದಿ ಅರಿಕಲ್ಲು ದಿಗಂಬರ ಜೈನ ಬಸದಿ.
Digambaras inside the Sanctum 

ಇಲ್ಲಿ ಯಾವುದೇ ಶಾಸನ ಬರಹಗಳು ಕಾಣುವುದಿಲ್ಲ. ದಕ್ಷಿಣ ಕನ್ನಡದ ಇತಿಹಾಸ ಅಧ್ಯಯನಗಳಲ್ಲಿ ಇದನ್ನು ದಾಖಲಿಸಿದ ಬಗ್ಗೆ ನಾನು ನೋಡಿಲ್ಲ. ಬಸದಿಯ ಒಳಗಿರುವ "ಶ್ರುತ ಸ್ಕಂದ"ದಲ್ಲಿ ದಾಖಲೆಗಳು ಸಿಗಬಹುದು.
ಉಳ್ಳಾಲದ ಬಸದಿಯಲ್ಲಿ ಇರುವ ಶ್ರುತ ಸ್ಕಂದದಲ್ಲಿ ಉಳ್ಳಾಲದ ರಾಣಿ ಅಬ್ಬಕ್ಕನ ಉಲ್ಲೇಖ ಇರುವ ಶಾಸನವಿದೆ.
ಇನ್ನು.... ಕಡೇಶ್ವಲ್ಯ ಬಾಳ್ತಿಲದ ಬಲ್ಲಾಳನ ಆಳ್ವಿಕೆಗೆ ಸೇರಿದ್ದು. ಇವನು 15 ಗ್ರಾಮಗಳನ್ನು ಒಳಗೊಂಡಿದ್ದ ಮೊಗರನಾಡು ಸಾವಿರ ಸೇನೆಯನ್ನು ಆಳುತ್ತಿದ್ದ. ಮೊದಲು ಶಿವಾಲಯವಾಗಿದ್ದ ಕಡೇಶ್ವಲ್ಯ ನರಸಿಂಹ ದೇವಾಲಯ ಇವನಿಗೆ ಸೇರಿದ್ದು.
ಇಷ್ಟು ಮಾಹಿತಿಯನ್ನು ಬಳಸಿ ತಿಳಿದವರು ಅರೀಕಲ್ಲು ಬಸದಿಯ ಬಗ್ಗೆ ಹೆಚ್ಚಿನ ಮಾಹಿತಿ ನೀಡಿದರೆ ಚೆನ್ನಾಗಿರುತ್ತದೆ.
Padmavathi 

ಇಲ್ಲಿ ದ್ವಾರಪಾಲಕರ ಚಿತ್ರ ವಿಶಿಷ್ಟವಾಗಿದೆ. ಇದು ಬ್ರಿಟೀಷ್ ಸೈನಿಕರನ್ನು ಹೋಲುತ್ತದೆ. ಇದು ಯಾಕೆ ಹೀಗೆ? ಬೇರೆ ಯಾವುದಾದರೂ ಬಸದಿ ಅಥವಾ ಆರಾಧನಾ ಕೇಂದ್ರಗಳಲ್ಲಿ ನೋಡಿದ್ರೆ ತಿಳಿಸಿ.
ಚಿತ್ರದಲ್ಲಿ ಬಸದಿ, ಬಸದಿಯ ಒಳ ಅಂಗಣ, ಪದ್ಮಾವತಿ, ತೀರ್ಥಂಕರರು, ದ್ವಾರಪಾಲಕರು..ಇದ್ದಾರೆ.
Notes: ಅಜಿಲ ಮೊಗರು ದರ್ಗಾ ಮತ್ತು ಕಡೇಶಿವಾಲಯ ದೇವಸ್ಥಾನಕ್ಕೆ ಸಂಬಂಧವಿದೆ. ಈ ಊರು ಇನ್ನೂ ತನ್ನ ಮತ ಬ್ರಾತ್ರುತ್ವವನ್ನು ಉಳಿಸಿಕೊಂಡಿದೆ. ಈ ದರ್ಗಾಕ್ಕೆ ಜಾಗವನ್ನು ನೀಡಿದವರು ಜೈನ ಅರಸರು. ದೈವಗಳ ಭಂಡಾರ ದರ್ಗಾದ ಪಕ್ಕ ಬರುವಾಗ ವಾದ್ಯ ಘೋಷಗಳನ್ನು ನಿಲ್ಲಿಸುತ್ತವೆ. ದೈವವೊಂದರ ನೇಮ ನಡೆಯುವಾಗ ಇಡೀ ದಿನ ದರ್ಗಾದಲ್ಲಿ ದೀಪ ಆರದಂತೆ ಇರಿಸುತ್ತಾರೆ. ಇಲ್ಲಿ ನಡೆಯುವ ಮಾಲಿದ ಉರೂಸ್ ತುಂಬಾ ಖ್ಯಾತಿ ಪಡೆದಿದೆ. ಎಲ್ಲ ಧರ್ಮದವರು ಇದರಲ್ಲಿ ಪಾಲ್ಗೊಳ್ಳುತ್ತಾರೆ. ಹೀಗೆ ಹೇಳುವುದಕ್ಕೆ ಕೇಳುವುದಕ್ಕೆ ತುಂಬಾ ಉಂಟು... ಇತ್ತೆ ರೈಟ್ ಪೊಯಿ 
ಅವಿನಾಶ್ ಹೇಳ್ತಾರೆ...
ಅಜಿಲ ಮನೆತನದ ಸಾರಾಲ ಮುಗೇರ ಪಂಜುರ್ಲಿಗೂ ಅಜಿಲಮೊಗರು ದರ್ಗಾಗೂ ಸಂಬಂಧ ಇದೆ ಅನ್ನೋದು ನಿಜ. ಅಜಿಲಮೊಗರು ಚಾವಡಿಯಲ್ಲಿ ಈ ದೈವದ ನೇಮ ನಡೆಯುವಾಗ ದರ್ಗಾಗೆ ಭೇಟಿ ನೀಡುವ ಕ್ರಮ ಈಗ ಇಲ್ಲ. ಹಿಂದೆ ಇತ್ತೋ ಗೊತ್ತಿಲ್ಲ. ಆದರೆ ನಡುಮೊಗರು ಗುತ್ತಿನಲ್ಲಿ ಧರ್ಮ ನೇಮ ನಡೆಯುವಾಗ ಇದೇ ಅಜಿಲಮೊಗರು ಚಾವಡಿಯಿಂದ ಭಂಡಾರ ತೆರಳಬೇಕು. ನಡುಮೊಗರಿಗೆ ಮಸೀದಿ ಮಾರ್ಗವಾಗೇ ಭಂಡಾರ ತೆರಳುವಾಗ ಮಸೀದಿ ಮುಂದೆ ಭಂಡಾರ ಇಳಿಸಿ ದರ್ಗಾಗೆ ನಮಿಸಿ ಮುಂತೆರಳುತ್ಗಾರೆ. ಐದಾರು ವರ್ಷದ ಹಿಂದೆ ನಡುಮೊಗರು ಗುತ್ತಿನ ಮನೆಯಲ್ಲಿ ಧರ್ಮನೇಮ ನಡೆಯೋವಾಗ ಈ ಕ್ರಮ ನಡೆದಿತ್ತು.

ಆಝಾದ್ ಹೇಳ್ತಾರೆ....

ಹೌದು... ಇನ್ನೊಂದು ವಿಚಾರ ಇದೆ‌. ನಾ ನೋಡಿಲ್ಲ ಊರವರು ಹೇಳಿದ್ದು ಕೇಳಿದ್ದೆ. ಅಜಿಲಮೊಗರು ಉರೂಸ್ ಸಂಧರ್ಭ ಕಡೇಶಿವಾಲಯ ದೇವಸ್ಥಾನದಿಂದ ಅಕ್ಕಿ ಮತ್ತು ಬೆಲ್ಲ ಕಾಣಿಕೆಯಾಗಿ ನೀಡುತ್ತಾರೆ ಮತ್ತು ಕಡೇಶಿವಾಲಯ ದೇವಸ್ಥಾನದ ಜಾತ್ರೆಗೆ ಅಜಿಲಮೊಗರು ಮಸೀದಿಯಿಂದ ದೀಪದ ಎಣ್ಣೆ ನೀಡುತ್ತಾರೆ ಎಂದು... ಇದು ಹಿರಿಯರು ಹೇಳಿದ ನೆನಪು... ನಾ ನೋಡಿಲ್ಲ


More Photos
Ajeevakas??
Wall Painting of a guard, mostly a British soldier 






SrithaSkanda of Ullala Basadi, Mangaluru which mentions the name of Ullala Chowta Queen Abbakke
















Charan Aivarnad

Aivarnad
Sullia
Dakshina Kannada
charanaivarnad@gmail.com
Bhahurupibharatha@gmail.com 





ಭಾರತವನ್ನು ನಿರೂಪಿಸಬೇಕಾದುದು ಅದರ ವೈವಿಧ್ಯಮಯ ಸಂಸ್ಕøತಿಯಿಂದ. ಇಂದು ಈ ನೆಲದ ರಾಷ್ಟ್ರೀಯತೆಯನ್ನು ಆ ಮೂಲಕವೇ ಕಟ್ಟಬೇಕಾಗಿದೆ. ಆಗ ಈ ರಾಷ್ಟ್ರದಲ್ಲಿ ಪ್ರತಿಯೊಂದು ಸಮುದಾಯ ಬೆಳೆಸಿಕೊಂಡು ಬಂದ ಸಂಸ್ಕøತಿ ಮುಖ್ಯವಾಹಿನಿಯ ಸಾಂಸ್ಕøತಿಕ ಚರ್ಚೆಯಲ್ಲಿ ಪ್ರಾಮುಖ್ಯತೆಯನ್ನು ಪಡೆಯುತ್ತದೆ. ಭಾರತವನ್ನು ಕೂತಲ್ಲಿಂದ ನೋಡಲು ಸಾಧ್ಯವಿಲ್ಲ, ಸುತ್ತಾಡಬೇಕು. ಭಾರತ ಬೃಹದಾಕಾರವಾಗಿ ಬೆಳೆದು ಸರ್ವವನ್ನೂ ನುಂಗುವ ನಗರಗಳಲ್ಲಿಲ್ಲ, ಬದಲಾಗಿ ಹಳ್ಳಿಗಳಲ್ಲಿ ಇದೆ. ನಾನು ನನ್ನ ಭಾರತವನ್ನು ನೋಡಿದ ರೀತಿ ನನ್ನ ಪ್ರಾದೇಶಿಕ ವ್ಯಾಪ್ತಿಯನ್ನು ಮೀರಿ ಬೆಳೆಯುವಂತೆ ಬೆಳೆಸುತ್ತಿದೆ. ಇದು ವಿಶ್ವಾತ್ಮಕವಾಗಿ ಬೆಳೆಯಲು ಪ್ರೇರಣದಾಯಿಯಾಗಿದೆ. ಇದು ವಿಶ್ವಭಾರತಿ! ಅಖಿಲ ಭಾರತದ ಸಾಂಸ್ಕøತಿಕ ಚರ್ಚೆಯನ್ನು ಸ್ಥಳೀಯ ಸಂಸ್ಕøತಿಗಳ ಮೇಲೆ ಕಟ್ಟುವುದು ಇಂದಿನ ಅಗತ್ಯತೆಗಳಲ್ಲಿ ಒಂದು ಎಂದು ಭಾವಿಸಿದ್ದೇನೆ. ಭಾರತದ ಮೂಲೆ ಮೂಲೆಯ ಸಂಸ್ಕøತಿ ಭಾರತವನ್ನು ನಿರೂಪಿಸುವಂತಾಗಬೇಕು. ಆಗ ರಾಷ್ಟ್ರಭಾಷೆ ಮೊದಲಾದ ಗೊಂದಲದ ಚರ್ಚೆಗಳು ಇರುವುದಿಲ್ಲ. ಆಗ ಸರಕಾರಗಳೂ ತುಳುವಿನಂತಹ ಅನೇಕ ಭಾಷೆಗಳಿಗೆ ಹದಿನೆಂಟರ ಪರಿಚ್ಛೇದದ ಸ್ಥಾನಮಾನವನ್ನು ನೀಡುತ್ತವೆ. ಕೊರಗದಂತಹ ಅಳಿವಿನಂಚಿನ ಭಾಷೆಗಳು ಉಳಿಯುತ್ತವೆ, ಕನ್ನಡದ ಮಲೆಮಾದೇಶ್ವರ ಅಖಿಲ ಭಾರತಮಟ್ಟದ ದೇವತೆಯಾಗುತ್ತಾನೆ, ಈ ಚರ್ಚೆಯನ್ನು ಸರಣಿಗಳಲ್ಲಿ ಇಲ್ಲಿ ಮುಂದೆ ಹಾಕಲಾಗುವುದು. ನಿಮ್ಮ ಅಭಿಪ್ರಾಯಗಳನ್ನು ಇಲ್ಲಿ ದಾಖಲಿಸಿದರೆ ಉಪಕಾರವಾಗುತ್ತದೆ. ಧನ್ಯವಾದಗಳು....

ಕಾಮೆಂಟ್‌ಗಳು

ಕಾಮೆಂಟ್‌‌ ಪೋಸ್ಟ್‌ ಮಾಡಿ

Thank You

Bahurupi Bharatha

ಇಮೇಜ್
ಕೊರಗಜ್ಜ  ಮತ್ತು ಕೊರಗರು   ಚರಣ್ ಐವರ್ನಾಡು ತುಳುನಾಡಿನ ಪ್ರಭಾವಿ ದೈವವಾದ ಕೊರಗಜ್ಜ ಎಂದು ಕರೆಯಲ್ಪಡುವ ಕೊರಗ ತನಿಯನ ಪವಾಡಗಳು, ಮಹಿಮೆಗಳು ಇತ್ತೀಚೆಗೆ ಹೆಚ್ಚು ಪ್ರಚಾರಗೊಳ್ಳುತ್ತಿವೆ. ಮಂಗಳೂರಿನ ರಸ್ತೆಗಳಲ್ಲಿ ಹೋಗುವಾಗ ದಾರಿ ಬದಿಯಲ್ಲಿ ಅನೇಕ ಕೊರಗಜ್ಜನ ಕಟ್ಟೆಗಳು ಕಂಡುಬರುತ್ತವೆ, ಕೊರಗ ತನಿಯನನ್ನು ಹೊಗಳುವ, ಹಾಡುವ ಭಕ್ತಿಗೀತೆಗಳು ಬರುತ್ತಿವೆ. ಅವನ ಸ್ಟಿಕ್ಕರ್‍ಗಳು ವಾಹನಗಳಲ್ಲಿ ಕಂಡು ಬರುತ್ತವೆ. ಒಂದು ವಾರದ ಹಿಂದೆ ಸಿವಿಲ್ ಸರ್ವಿಸ್ ಮಾಡುತ್ತಿರುವ ಮಿತ್ರರೊಬ್ಬರು ಫೋನ್ ಮಾಡಿ ಅವರ ದೊಡ್ಡ ಹರಕೆಯ ಸಲುವಾಗಿ ಕೊರಗಜ್ಜನಿಗೆ ಒಂದು ದುಬಾರಿ ವಿಸ್ಕಿ ಇಡುವುದಾಗಿ ಹೇಳಿದರು. ನನಗೆ ನಗುವೂ ಬರಲಿಲ್ಲ. ಹರಕೆ ದೊಡ್ಡದಾದಂತೆ ಭಕ್ತನ ಕುಪ್ಪಿಯ ಬೆಲೆಯೂ ಜಾಸ್ತಿಯಾಗುತ್ತಿದೆ. ಇದನ್ನು ಬರೆಯುತ್ತಿದ್ದಂತೆ ಮಂಗಳೂರು ವಿವಿಯಲ್ಲಿ ಸಹಾಯಕ ಪ್ರಾಧ್ಯಾಪಕರಾಗಿರುವ ಶ್ರೀಮತಿ ಸಬಿತಾ ಕೊರಗ ಅವರು ಒಂದು ಮೆಸೆಜ್ ಕಳುಹಿಸಿದರು. ಉಡುಪಿಯ ಎಂ.ಜಿ.ಎಂ ಪಕ್ಕದ ಕೊರಗಜ್ಜನ ಗುಡಿಯ ಪಕ್ಕ ಆಮೆ ಪ್ರತ್ಯಕ್ಷವಾಗಿದೆ. ಈಗ ಆಮೆ ಕೊರಗಜ್ಜನ ವಾಹನವಾಗಿದೆ. (ಇನ್ನು ಆಮೆಯನ್ನು ಕೊಂದು ತಿನ್ನುವಂತಿಲ್ಲ). ಆಮೆ ಕೊರಗಜ್ಜನಿಗೆ ಯಾವಾಗ ವಾಹನವಾದದ್ದು ಎಂಬುದು ಗೊತ್ತಿಲ್ಲ!?! ಇನ್ನೊಂದು ಕಡೆ ಕೊರಗಜ್ಜನ ಹೆಸರನ್ನು ಹದಿನೈದು ಜನರಿಗೆ ಕಳುಹಿಸಿ ಪುಣ್ಯ ಸಂಪಾದಿಸುವ ಭಕ್ತ ವೃಂದ ಸೃಷ್ಟಿಯಾಗಿದೆ. ಕರಾವಳಿಯ ಸಂಸ್ಕøತಿಗಳ ಅಮೂಲಾಗ್ರವಾದ ಬದಲಾ...
ಇನ್ನಷ್ಟು ಓದಿ
ಇಮೇಜ್
ಬಹುರೂಪಿ ಭಾರತ  Varanasi, Kashi one of the Moxadayi Xetra                                        ನಮ್ಮ ದೇಶದಲ್ಲಿ ರಾಷ್ಟ್ರೀಯತೆಯ ಬಗೆಗಿನ ಚರ್ಚೆ ರಾಜಕೀಯ ಮತ್ತು ಮತೀಯ ಸ್ವರೂಪವನ್ನು ಪಡೆದುಕೊಳ್ಳುತ್ತಿರುವ ಸಂದರ್ಭದಲ್ಲಿ ಸಾಂಸ್ಕøತಿಕ ನೆಲೆಯಲ್ಲಿ ರಾಷ್ಟ್ರೀಯತೆಯನ್ನು ನಿರೂಪಿಸುವ ಅಗತ್ಯತೆ ತುಂಬಾ ಇದೆ. ಇತರ ದೇಶಗಳಂತೆ ಏಕರೂಪದ ಮಾನದಂಡದಿಂದ ಭಾರತದ ಸಮಗ್ರತೆಯನ್ನು, ರಾಷ್ಟ್ರೀಯ ಪರಿಕಲ್ಪನೆಯನ್ನು ಅಳತೆ ಮಾಡಲು ಸಾಧ್ಯವಿಲ್ಲ. ರಾಷ್ಟ್ರವೊಂದರ ಸಾಮಾನ್ಯ ಲಕ್ಷಣಗಳಾದ - ಏಕ ಭಾಷೆ, ಏಕ ಮತ, ಏಕ ಸಂಸ್ಕøತಿ, ಕೇಂದ್ರೀಕೃತ ಆಡಳಿತ ವ್ಯವಸ್ಥೆ ಮಾತ್ರವಲ್ಲ ಇತ್ತೀಚೆಗೆ ಆತಂಕಕಾರಿಯಾಗಿ ಬೆಳೆಯುತ್ತಿರುವ ಏಕರೂಪದ ರಾಜಕೀಯ, ಸಾಮಾಜಿಕ ಚಿಂತನೆಗಳು, ಒಂದೇ ರಾಜಕೀಯ ಪಕ್ಷ ಮೊದಲಾದವುಗಳು ಭಾರತದಂತಹ ಬಹು ಸಂಸ್ಕøತಿಯ ರಾಷ್ಟ್ರದಲ್ಲಿ ಬೆಳೆಯಲು ಸಾಧ್ಯವಿಲ್ಲ. ಆದರೂ ಈ ಚಿಂತನೆಗಳನ್ನು ಬಲವಂತವಾಗಿ ಹೇರುವ ಯತ್ನಗಳು ನಡೆಯುತ್ತಿದ್ದು ಭಾರತಕ್ಕೆ ಇದು ಮಾರಕವಾಗಿ ಪರಿಣಮಿಸುತ್ತದೆ. ಸಾಂಸ್ಕøತಿಕವಾಗಿ ಮತ್ತು ಆದ್ಯಾತ್ಮಿಕವಾಗಿ ಭಾರತ ಅನೇಕತೆಯನ್ನು ಕಳೆದುಕೊಳ್ಳುತ್ತದೆ.                         ನಾನು ಭಾರತದ ...
ಇನ್ನಷ್ಟು ಓದಿ
ಇಮೇಜ್
ಬಹುತ್ವದ   ಪ್ರತೀಕಗಳಾಗಿ   ಜಾನಪದ ರಾಮಾಯಣ - ಮಹಾಭಾರತಗಳು ಚರಣ್ ಐವರ್ನಾಡು                                          ಬಹುಮುಖಿ ಸಂಸ್ಕೃತಿ , ಬಹುಭಾಷಿಕತೆಯನ್ನು ಹೊಂದಿರುವ ಭಾರತದಲ್ಲಿ ಒಂದೇ ಸಂಸ್ಕೃತಿ ಎಂಬ ಏಕಮುಖೀಯ ಚಿಂತನೆ ಒಗ್ಗಿ ಬರುವುದಿಲ್ಲ. ಪ್ರಬಲ ಸಂಸ್ಕೃತಿಯೊಂದರ ಮೂಲಕ ಭಿನ್ನ ನೆಲೆಗಳ ಸಂಸ್ಕೃತಿಯನ್ನು ನಿರ್ಧರಿಸುವುದು. ಆರೋಗ್ಯಕರವಲ್ಲ. ಸಾಂಸ್ಕೃತಿಕ ಭಿನ್ನತೆಯುಳ್ಳ ಈ ದೇಶದಲ್ಲಿ ಪ್ರತಿಯೊಂದು ಭಾಷೆ,ಜನಾಂಗ ತನ್ನವೇ ಆದ ಕಾವ್ಯ,ಇತಿಹಾಸ,ಪುರಾಣಗಳನ್ನು ಹೊಂದಿವೆ.ಇವೇ ಅವರ ಜೀವನ ಶೈಲಿಯನ್ನು ರೂಪಿಸುತ್ತಾ ಬಂದಿವೆ. ಬಹುತೇಕ ಎಲ್ಲಾ ಭಾಷೆಗಳಲ್ಲಿ ,ಜನಾಂಗಗಳಲ್ಲಿ ಕಾಣುವ ವಿಶೇಷತೆ ಎಂದರೆ ನಮ್ಮ ದೇಶದ ಶಿಷ್ಟ ಕಾವ್ಯಗಳೆನಿಸಿದ ರಾಮಾಯಣ – ಮಹಾಭಾರತಗಳ ಪ್ರಭಾವ. ನಮ್ಮಲ್ಲಿ ವಿವಿಧ ಸಮುದಾಯಗಳು ತಮ್ಮ ತಮ್ಮ ಭಾಷೆಗಳಲ್ಲಿ ಈ ಕಾವ್ಯಗಳನ್ನು ತಮಗೆ ಬೇಕಾದಂತೆ ಬರೆದುಕೊಂಡಿವೆ. ಅವು ಮೂಲ ಕರ್ತೃಗಳ ಪಠ್ಯಕ್ಕಿಂತ ಭಿನ್ನವಾಗಿ ಸಮುದಾಯದ ಬದುಕಿಗೆ ಹತ್ತಿರವಾಗಿರುವಂತೆ ಬರೆಯಲ್ಪಟ್ಟಿರುವುದು ಈ ನೆಲದ ಬಹುತ್ವಕ್ಕೆ ಹಿಡಿದ ಕೈಗನ್ನಡಿ.                     ಜಾನಪದದಲ್ಲಿ ಕಂಡು ಬರ...
ಇನ್ನಷ್ಟು ಓದಿ
ಇಮೇಜ್
ಕೆಂಡದ ಮೇಲಾಡುವ ದೈವ - ಒತ್ತೆಕೋಲ ಚರ ಣ್ ಐವರ್ನಾಡು              Vishnumurthy theyyam  ಸಂಸ್ಕøತಿಯೊಂದು ತಾನು ಹುಟ್ಟಿದ ಸಮುದಾಯ ಮತ್ತು ನೆಲೆಯನ್ನು ಮೀರಿ ಬೆಳೆಯುವುದು ಒಳ್ಳೆಯ ಲಕ್ಷಣ. ಇದು ಭಾಷೆಗೂ ಅನ್ವಯಿಸುತ್ತದೆ. ಕೊಡುಕೊಳ್ಳುವಿಕೆ ನಡೆಯದ ಹೊರತು ಭಾಷೆ ಮತ್ತು ಸಂಸ್ಕøತಿ ಬೆಳೆಯಲು ಸಾಧ್ಯವಿಲ್ಲ. ಭಾರತ ಸೇರಿದಂತೆ ವಿಶ್ವ ಜನಪದಗಳಲ್ಲಿ ಕಾಣುವ ಈ ಲಕ್ಷಣ ಆ ಸಂಸ್ಕøತಿಯ ಅಮೂಲಾಗ್ರ ಸ್ಥಿತ್ಯಂತರ ಮಾಡದೆ ಬೆಳೆಸಿದೆ. ಒಂದು ಸಮುದಾಯ ಬೆಳೆಸಿಕೊಂಡು ಬಂದ ಆಚರಣೆಗಳನ್ನು ಇತರ ಸಮುದಾಯಗಳು ಸ್ವೀಕರಿಸುವುದನ್ನು ಕೇರಳದ ತೆಯ್ಯಂನ ಒತ್ತೆಕೋಲವನ್ನು ತುಳುನಾಡಿನ ಸಮುದಾಯಗಳು ಸ್ವೀಕರಿಸಿದ ಬಗೆಯನ್ನು ಇಲ್ಲಿ ಉದಾಹರಿಸುತ್ತೇನೆ. ಬೇರೆ ಉದ್ದೇಶಕ್ಕಾಗಿ ಸಿದ್ದಪಡಿಸಿದ ಲೇಖನವನ್ನು ಇಲ್ಲಿ ಹಾಕಲಾಗಿದೆ                  ನಿಗಿ ನಿಗಿ ಕೆಂಡದ ರಾಶಿಯ ಮೇಲೆ   ಸರ್ವಾಲಂಕಾರಭೂಷಿತವಾದ ದೈವವೊಂದರ ಕಾರ್ಣಿಕವನ್ನು ನೋಡಲು ದಕ್ಷಿಣಕನ್ನಡ ಮತ್ತು ಕೇರಳದ ಗಡಿ ಪ್ರದೇಶಗಳಿಗೆ ಬರಬೇಕು . ಇಲ್ಲಿತಾವು ನಂಬಿದ ದೈವ ಮೈದಳೆದು ತಮ್ಮ ಎದುರು ನಿಂತಾಗ ಭಕ್ತರು ಭಾವುಕರಾಗಿ ಮೈಮರೆಯುತ್ತಾರೆ ! ಸ್ವತಃ ಮಹಾವಿಷ್ಣು ಧರೆಗೆ ಇಳಿದು ಬರುವ ವಿಶಿಷ್ಟ ಜಾನಪದ ಆಚರಣೆ ಒತ್ತೆಕೋಲ ! ...
ಇನ್ನಷ್ಟು ಓದಿ